ನವದೆಹಲಿ : 10 ವರ್ಷಕ್ಕಿಂತ ಹಳೇ ಆಧಾರ್ ಅಪ್‌ಡೇಟ್, ವಿಳಾಸ ಬದಲು, ಸ್ಪೆಲ್ಲಿಂಗ್ ಮಿಸ್ಟೇಕ್ ಸರಿಪಿಡಿಸುವುದು, ಮೊಬೈಲ್ ನಂಬರ್ ಬದಲು ಸೇರಿದಂತೆ ಆಧಾರ್ ಅಪ್‌ಡೇಟ್ ಮಾಡುವ ಅನಿವಾರ್ಯತೆ ಪ್ರತಿಯೊಬ್ಬರಿಗೂ ಎದುರಾಗಲಿದ್ದು ಇದುವರೆಗೆ ಆಧಾರ್ ಅಪ್‌ಡೇಟ್ ಎಷ್ಟು ಬಾರಿ ಮಾಡಿದರೂ ಉಚಿತವಾಗಿತ್ತು. ಆದರೆ ಜೂನ್ 14ರ ಬಳಿಕ ಪ್ರತಿ ಆಧಾರ್ ಅಪ್‌ಡೇಟ್‌ಗೆ ಸರ್ಕಾರಕ್ಕೆ ಶುಲ್ಕ ಪಾವತಿಸಬೇಕು.
ಹೀಗಾಗಿ ಆಧಾರ್ ಅಪ್‌ಡೇಟ್ ಉಚಿತವಾಗಿ ಮಾಡಬೇಕು ಎಂದರೆ ಜೂನ್ 14ರೊಳಗೆ ಮಾತ್ರ ಅವಕಾಶವಿದ್ದು ಬಳಿಕ ಪ್ರತಿ ಅಪ್‌ಡೇಟ್‌ಗೆ 50 ರೂಪಾಯಿ ಶುಲ್ಕ ವಿಧಿಸಲಾಗುತ್ತದೆ. ಯುನಿಕ್ ಐಂಡಿಟಿಫಿಕೇಶನ್ ಅಥಾರಿಟಿ ಆಫ್ ಇಂಡಿಯಾ (UIDAI) ಕೇಂದ್ರಕ್ಕೆ ಈ ಶುಲ್ಕ ಪಾವತಿಸಬೇಕು. ಆನ್‌ಲೈನ್ ಮೂಲಕ ಯಾರ ಸಹಾಯವೂ ಇಲ್ಲದೆ ಆಧಾರ್ ಅಪ್‌ಡೇಟ್ ಮಾಡಿದರೂ ಶುಲ್ಕ ಪಾವತಿಸಬೇಕು. ಇನ್ನು ಬೆಂಗಳೂರು ಒನ್, ಗ್ರಾಮ ಒನ್ ಸೇರಿದಂತೆ ಇತರ ಸೈಬರ್ ಕೇಂದ್ರಗಲ್ಲಿ ಆಧಾರ್ ಅಪ್‌ಡೇಟ್ ಮಾಡಿದರೆ UIDAI ಶುಲ್ಕ 50 ರೂಪಾಯಿ ಹಾಗೂ ಕೆಲಸ ಮಾಡಿಕೊಟ್ಟ ಆಯಾ ಕೇಂದ್ರಗಳ ಚಾರ್ಜ್ ಪಾವತಿಸಬೇಕಾಗುತ್ತದೆ.
ಆನ್‌ಲೈನ್ ಮೂಲಕ ಆಧಾರ್ ಅಪ್‌ಡೇಟ್ ಮಾಡುವ ವಿಧಾನ:
- UIDAI ವೆಬ್‌ಸೈಟ್ ಕ್ಲಿಕ್ ಮಾಡಿ ಮೈ ಆಧಾರ್ ಪೋರ್ಟಲ್‌ಗೆ ತೆರಳಬೇಕು.
- ಇಲ್ಲಿ 12 ಸಂಖ್ಯೆಯ ಆಧಾರ್ ಕಾರ್ಡ್ ಸಂಖ್ಯೆ ನಮೂದಿಸಿ ಬಳಿಕ ಕ್ಯಾಪ್ಚಾ ಕೋಡ್ ಹಾಕಬೇಕು.
- ನೋಂದಣಿ ಮಾಡಿರುವ ಮೊಬೈಲ್ ಸಂಖ್ಯೆಗೆ ಬರುವ ಒಟಿಪಿ ನಮೂದಿಸಿ ವೆರಿಫೈ ಮಾಡಿಕೊಳ್ಳಬೇಕು.
- ಪ್ರೂಫ್ ಆಫ್ ಐಡೆಂಟಿಟಿ, ಪ್ರೂಫ್ ಆಫ್ ಅಡ್ರೆಸ್ ಸೇರಿದಂತೆ ಅಪ್‌ಡೇಟ್ ಮಾಡಬೇಕಾದ ವಿಭಾಗದ ಡಾಕ್ಯುಮೆಂಟ್ ಅಪ್‌ಡೇಟ್ ಕ್ಲಿಕ್ ಮಾಡಬೇಕು.
- ಯಾವ ದಾಖಲೆ ಅಪ್‌ಡೇಟ್ ಮಾಡಬೇಕು ಅನ್ನೋದು ಕ್ಲಿಕ್ ಮಾಡಿ ಅದಕ್ಕೆ ಪೂರಕವಾದ ದಾಖಲೆ ಅಪ್‌ಡೇಟ್ ಮಾಡಬೇಕು. ಉದಾಹರಣೆ ವಿಳಾಸ ಬದಲಾವಣೆ ಆಗಿದ್ದರೆ ವಿಳಾಸದ ದಾಖಲೆಯ ಸ್ಕ್ಯಾನ್ ಫೋಟೋ ಮಾಡಿ ಅಪ್ಲೋಡ್ ಮಾಡಬೇಕು. ಬಳಿಕ ಸಬ್‌ಮಿಟ್ ಮಾಡಿದರೆ ವಿಳಾಸ ಅಪ್‌ಡೇಟ್ ಆಗಲಿದೆ.
