ಬೆಂಗಳೂರು: ಕರ್ನಾಟಕದಲ್ಲಿ ಕಳೆದ ಐದು ವರ್ಷಗಳಲ್ಲಿ ನಡೆಸಿದ ಔಷಧ ಗುಣಮಟ್ಟ ತಪಾಸಣೆಯಲ್ಲಿ ಪ್ಯಾರಾಸಿಟಮಾಲ್ನಿಂದ ಹಿಡಿದು ಐವಿ ಫ್ಲೂಯಿಡ್ಗಳವರೆಗೆ 301 ಬ್ಯಾಚ್ಗಳು ನಿಗದಿತ ಗುಣಮಟ್ಟದಲ್ಲಿ ಇಲ್ಲ ಎಂಬುದು ಪತ್ತೆಯಾಗಿದೆ.
ಕರ್ನಾಟಕ ರಾಜ್ಯ ವೈದ್ಯಕೀಯ ಸರಬರಾಜು ನಿಗಮ (KSMSCL) ಖರೀದಿಸಿದ 98 ಬಗೆಯ ಔಷಧಗಳನ್ನು ಪರೀಕ್ಷಿಸಿದಾಗ ಅವು ‘ಮಾನದಂಡಕ್ಕೆ ತಕ್ಕಂತಿಲ್ಲ’ (NSQ) ಎಂದು ದೃಢಪಟ್ಟಿದೆ. ಇವುಗಳಲ್ಲಿ ಇಬುಪ್ರೊಫೇನ್, ಆಂಟಿಬಯೋಟಿಕ್ಸ್, ಐರನ್ ಮಾತ್ರೆಗಳು ಹಾಗೂ ವಿವಿಧ ಇಂಜೆಕ್ಷನ್ಗಳು ಸೇರಿವೆ.
2021-22ರಲ್ಲಿ ₹ 9 ಕೋಟಿ ಮೌಲ್ಯದ 77 ಬ್ಯಾಚ್ಗಳು ಕಳಪೆ ಎಂದು ಪತ್ತೆಯಾಗಿದ್ದರೆ, 2024-25ರಲ್ಲಿ ಈ ಸಂಖ್ಯೆ ಗಣನೀಯವಾಗಿ ಏರಿಕೆಯಾಗಿ ₹ 5.2 ಕೋಟಿ ಮೌಲ್ಯದ 146 ಬ್ಯಾಚ್ಗಳು NSQ ಪಟ್ಟಿಗೆ ಸೇರಿವೆ.
ಕಳಪೆ ಔಷಧ ಪೂರೈಸಿದ ಕನಿಷ್ಠ 5 ಕಂಪನಿಗಳನ್ನು ಕಪ್ಪುಪಟ್ಟಿಗೆ ಸೇರಿಸಲಾಗಿದೆ ಎಂದು ಆರೋಗ್ಯ ಸಚಿವರು ತಿಳಿಸಿದ್ದಾರೆ. NSQ ಔಷಧ ಪತ್ತೆಯಾದ ಕೂಡಲೇ ಅದರ ಸರಬರಾಜು ಸ್ಥಗಿತಗೊಳಿಸಿ, 10 ದಿನಗಳೊಳಗೆ ಗುಣಮಟ್ಟದ ಹೊಸ ಸ್ಟಾಕ್ ಒದಗಿಸುವಂತೆ ಪೂರೈಕೆದಾರರಿಗೆ ಸೂಚಿಸಲಾಗುತ್ತಿದೆ.
