ಚೇತನ್ ವರ್ಕಾಡಿ
ಕವನ
ಇರ್ಲ್‌ನ್ ಗಿಡಪುಗಯೆ ಒರ ಪಿದಯಿ ಬಲೆ
ಗಿರಿಪೊಡೊರ ಉರ್ಕುನು
ಗೇನೊದರಿ ಬೈಯ್ತ್ ಉನ್ಪಾವಡ್
ನಿನೆತುಡರ್ ಪೊತ್ತಾಗತ್ತೆ..
ಮೈಕರಂದಿ ತಿಬಿಲೆಗ್
ಮೈದಿಂಜ ನೈ ಮೈಪೊಡು
ಕರಿಂಚಂದಿ ಬತ್ತಿ ಗೋಡ್ಯಾದ್
ನಿನೆ ತುಡರ್ ಪೊತ್ತಾಗತ್ತೆ..
ಒರ ಅರ್ಲ್ಂಡ ನಿಚ್ಚೊದ ಬೊಲ್ಪಾವೊಡು
ಎತ್ತಾಂದಿ ಜಾಗೆನ್‌ಲ ಎತ್ತೊಡು
ಸುತ್ತಾಂದಿ ಸಾದಿನ್ಲ ಸುತ್ತೊಡು
ನಿನೆ ತುಡರ್ ಪೊತ್ತಾಗತ್ತೆ..
ಗೇನೊದ ಅದೆಕ್ ಬೊಲ್ಪುದ ತಿಬಿಲೆ ದೀಕ
ಮೂಜೇ ದಿನೊಕತ್ತ್ ಮಾಜಂದಿನಾತ್ ದಿನೊಕು
ಆ ಬೊಲ್ಪುದಡಿಟ್ ಪರ್ಬ ಮಲ್ಪುಗ
ಬೊಲ್ಪುದ ನಿನೆ ತುಡರ್ ಪೊತ್ತಾಗತ್ತೆ…
