ಕವನ
ಚೇತನ್ ವರ್ಕಾಡಿ
ಅಪ್ಪೆ ಬಾಸೆದ ಲೆಪ್ಪು ಕೇನಡ್
ಒಪ್ಪ ಪುಟ್ಟಿನ ಜೋಕುಲೆ
ಬೆಪ್ಪು ಕೊರ್ತಿನ ಮಟ್ಟೆಲಪ್ಪೆನ
ತುಲುನಾಡ ಗರ್ಬೊದ ಕುರ್ಲೆಲೆ…
ಪಟ್ಟೊಗೇರುನೆ ಏಪ ಕೇನುಲೆ
ದಟ್ಟಿತ್ದ್ ಒರ ಪಿಸ್ರ್ಡ್
ಕಟ್ಟ್ದಾತ್ಂಡ್ ತುಳುವ ರಾಜ್ಯೊನು
ಒತ್ತಟ್ಟ್ ಸೇರ್ದ್ ಬಿರ್ಸ್ಡ್..
ಗೇಲ್ ಗೆಲ್ಮೆಡ್ ಬಲ್ಮೆ ಬರೆಯಿನ
ಜಾಲ್ ನಮ್ಮವು ಮಿತ್ತರ
ಸಾಲ್ ಸಂಸ್ಕೃತಿ ತುಡರ್ಡರ್ಲಿನ
ಕುಡು ಅರಿತ ಬೂಮಿನ್ ಮದತೆರಾ
ದಾಯೆಕೇನುಜಿ ಮಿತ್ತಜಾಲ್ಗ್
ತುಲುವ ಜೋಕ್ಲೆನ ಈ ಸೊರ
ಮಣ್ಣಬಾಸೆದ ಗರ್ದ್ ಬಿರ್ದ್ಗ್
ತಿಕ್ಕುನೇಪನ ಪುರ್ಸದ..
ಏರ್ ಎರ್ತೆಡ್ ರಾಪುನೇಪನ
ಸೂರ್ಯಚಂದ್ರೆರೆ ಆ ಕೊಡಿ
ತುಲುವಬಾಸೆನ್ ತರ್ಕುಂಡೇಪನ
ಏಳನೇ ಪರಿಚ್ಚೇದೊದಾಗುಡಿ
ಬಚ್ಚಿದಾತ್ಂಡ್ ಲೆತ್ತ್ಲೆತ್ತ್ದ್
ನನಲ ದಾಯೆಗ್ ಲಪ್ವೆರಾ.
ಲೋಕೊಸುತ್ತಿನ ತುಲುವ ಬಾಸೆನ್
ಜೋಕೆಡೇಪ ಆದೆರ್ಪ್ವರಾ…
ಚೇತನ್.ವರ್ಕಾಡಿ..
