ಜಿಎಸ್ಬಿ ಮಹಿಳಾ ವಿಭಾಗ ಕಾರ್ಕಳ ವತಿಯಿಂದ ಅಂತರಾಷ್ಟ್ರೀಯ ಯೋಗ ದಿನಾಚರಣೆ ಕಾಶಿಮಠದಲ್ಲಿ ನಡೆಯಿತು. ಮುಖ್ಯ ಅತಿಥಿಯಾಗಿ ಆಗಮಿಸಿದ ಡಾ. ಕೀರ್ತಿ ಹೆಗ್ಡೆ, ನಿಟ್ಟೆಯ ಜಸ್ಟೀಸ್ ಕೆ.ಎಸ್. ಹೆಗ್ಡೆ ಇನ್ಸ್ಟಿಟ್ಯೂಟ್ ಆಫ್ ಮ್ಯಾನೇಜ್ಮೆಂಟ್ನ ಸಹಾಯಕ ಪ್ರಾಧ್ಯಾಪಕರಾಗಿದ್ದು, ಮಣಿಪಾಲ್ನಿಂದ ‘ಮೈಂಡ್ಫುಲ್ನೆಸ್ ಅಟ್ ದ ವರ್ಕ್ ಪ್ಲೇಸ್’ನಲ್ಲಿ ವಿಶೇಷ ಡಾಕ್ಟರೇಟ್ ಪದವಿ ಪಡೆದವರಾದ ಅವರು, ದೀಪ ಪ್ರಜ್ವಲನೆ ಮಾಡಿ ಮಹಿಳೆಯರ ಯೋಗಕ್ಷೇಮವನ್ನು ಉತ್ತೇಜಿಸುವ ಒಳನೋಟದ ಸೆಷನ್ ನಡೆಸಿದರು.
ಮಾನಸಿಕ ಯೋಗಕ್ಷೇಮವನ್ನು ಉತ್ತೇಜಿಸಲು, ಅವರು ಮೂರು ನಿಮಿಷದ ಉಸಿರಾಟ, ಸಂತೋಷದ ಅಭ್ಯಾಸ, ಕ್ಷಮೆ ಮತ್ತು ದಯೆಯ ಮಾರ್ಗದರ್ಶಿ ಸೆಷನ್ಗಳಂತಹ ವೈಜ್ಞಾನಿಕ ಮೈಂಡ್ಫುಲ್ನೆಸ್ ವ್ಯಾಯಾಮಗಳನ್ನು ಪರಿಚಯಿಸಿದರು. ಈ ಸೆಷನ್ ಮಹಿಳೆಯರಿಗೆ ಒತ್ತಡ ಕಡಿಮೆ ಮಾಡಲು, ಭಾವನಾತ್ಮಕ ಶಕ್ತಿ ಬೆಳೆಸಲು ಅನುಕೂಲವಾಯಿತು.
ಅಧ್ಯಕ್ಷೆ ಸಂಧ್ಯಾ ಕಾಮತ್ ಸ್ವಾಗತಿಸಿ, ವಾರಿಜ ವಿ ಕಾಮತ್ ಕಾರ್ಯಕ್ರಮ ನಿರೂಪಿಸಿ, ಆರತಿ ಪೈ ಪ್ರಾರ್ಥನೆ ಮಾಡಿ, ಕಾರ್ಯದರ್ಶಿ ಪ್ರಜ್ಞಾ ಪೈರವರು ವಂದಿಸಿದರು. ಜಿಎಸ್ಬಿ ಮಹಿಳಾ ವಿಭಾಗದ ಸದಸ್ಯರಾದ ಶ್ರೀಮತಿಯರಾದ ರೇಷ್ಮಾ ಶೆಣೈ, ಶ್ವೇತಾ ಶೆಣೈ, ವಂದನಾ ಶೆಣೈ, ಲಲಿತಾ ಭಟ್, ರಾಖಿ ಭಟ್, ಪ್ರಭಾ ನಾಯಕ್, ಪಲ್ಲವಿ ನಾಯಕ್ ಉಪಸ್ಥಿತರಿದ್ದರು.
