ಕಾರ್ಕಳ: ಶ್ರೀ ಶ್ರೀ ರವಿಶಂಕರ ವಿದ್ಯಾಮಂದಿರದಲ್ಲಿ ದಿನಾಂಕ 31/05/2025 ಶನಿವಾರದಂದು ಹೊಸ ಶೈಕ್ಷಣಿಕ ವರ್ಷದ ಕಾರ್ಯಗಾರವು ನಡೆಯಿತು. ಈ ಕಾರ್ಯಕ್ರಮದಲ್ಲಿ ಸಂಸ್ಥೆಯಲ್ಲಿ ಈ ವರ್ಷ ದಾಖಲಾತಿಗೊಂಡ ಎಲ್ಲಾ ಮಕ್ಕಳ ಪಾಲಕರು ಭಾಗವಹಿಸಿದರು. ಸಂಸ್ಥೆಯ ನೀತಿ ನಿಯಮಗಳು, ಪಠ್ಯ_ಪಠ್ಯೇತರ ಚಟುವಟಿಕೆಗಳ ಸಂಪೂರ್ಣ ಮಾಹಿತಿಯೊಂದಿಗೆ ಸಂಸ್ಥೆಯಲ್ಲಿ ನಡೆಸಲಾಗುವ ಕ್ರೀಡೆ,ವಿವಿಧ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ಪೂರಕವಾಗಿ ನಡೆಸುವ ತರಬೇತಿಗಳು, ಸಂಸ್ಥೆಯಿಂದ ನಡೆಸಲಾಗುವ ಭರತನಾಟ್ಯ,ಕೊಳಲು,ತಬಲ , ಟೆಕ್ವಾಂಡೋ,ಸಂಗೀತ,ಚಿತ್ರಕಲೆ ತರಗತಿಗಳ ಸಂಪೂರ್ಣ ಮಾಹಿತಿಯನ್ನು ನೀಡಲಾಯಿತು.
ಈ ಕಾರ್ಯಾಗಾರದಲ್ಲಿ ಪ್ರಾಂಶುಪಾಲರಾದ ಸೋನಲ್ ಆರ್.ಕಾಮತ್ ,ಪ್ರೌಢಶಾಲಾ ಶೈಕ್ಷಣಿಕ ಸಂಯೋಜಕರಾದ ಶ್ರೀಶ ಅಧಿಕಾರಿ,ಪೂರ್ವ ಪ್ರಾಥಮಿಕ ಶೈಕ್ಷಣಿಕ ಸ೦ಯೋಜಕರಾದ ಚಿತ್ರ ಶೆಣೈ ಪೋಷಕರಿಗೆ ಮಾಹಿತಿ ನೀಡಿದರು. ಶೈಕ್ಷಣಿಕ ಸಂಯೋಜಕರಾದ ಶ್ರೀಶ ಅಧಿಕಾರಿಯವರು ಎಲ್ಲಾ ಮಕ್ಕಳ ಪೋಷಕರನ್ನು ಆತ್ಮೀಯವಾಗಿ ಸ್ವಾಗತಿಸಿದರು.
