ತುಳು ಕವನ
ಚೇತನ್ ವರ್ಕಾಡಿ
ಪಂಡ್ದೀ ಪಾತೆರೊಡು ಮುಗಿಯಂ
ದಲೆನ ಮೋಕೆದ ಎರ್ತೆ ಪರ್ತೆನ್
ಕರ್ಲಬೂರುಡೆ ಪೊಲ್ಲುದಾಲ್ಜೂವೊದ ಕುರ್ವೆ ಕಟ್ಟಿಯಲೂ.
ಬಂಜಿದಂಗೈ ದಿಂಜಿಬೇನೆನ್
ನಿಂಗ್ತುಚ್ಚಿದ್ ಕೂಲಿದಚ್ಚಿಡ್
ಮೋನೆಜಾಲ್ಡೆ ಬಾಲೆತೆಲ್ಕೆದ ಪೂವಚ್ಚಿ ಬುಡ್ಪಯಲೂ..
ಒರ್ಂಬ ತಿಂಗೊಲು ದೊಂಬುಜಾಲ್
ಡೊರೆಂಕ್ಲಕ್ಕ್ದ್ ಬೆಗರ್ ಮೀಯಲ್
ಮುರುಗುತೆಲಿಕೆದ ಬಾಲೆಬೊಲ್ಪುನು ಕಾತ್ತೂವೊಂದು.
ಕಾರಪಜ್ಜೆನೆ ಜೋರುಮಲ್ತ್ದ್
ಪಾರ್ಪೋವಂದಿಲೆಕನೆ ಪತ್ಯಲ್
ಪುರುಬಾಲೆ ಸರ್ರೊಗು ನೂಲುಬೇನೆಲ ನೆಗತ್ ಬರಂದಿಲೆಕ.
ಅಪ್ಪೆ ಲೆಪ್ಪುದ ನುಪ್ಪು ಉನ್ಯೆರೆ
ಕಪ್ಪಕಾನಿಗೆ ಕೈಯೊಪ್ಪ ಪತ್ಯಲ್
ಜಕ್ಕೆಲ್ದ ಮುಕ್ಕಲಿಗೆಡೊಕ್ಕೆಲಾಪ ಏಪಾಂದ್.
ಕನೊತ ಕಡಲ್ಡ್ ಮುರ್ಕು
ದಿನೊದಿನೊ ಎರ್ಕಿ ಕುಸಿತ ಗುರುಂಕ್ ಒಯ್ತ್ದ್
ಪೊರ್ತುಬನ್ನಗ ಅಪ್ಪೆ ಪಟ್ಟೊಗು ಸೈತ್ ಬದ್ಕ್ಯಲೂ..
ಅಪ್ಪೆಲ್ಲೆನ ದಿನೊತ ಎಡ್ಡೆಪ್ಪುಲ….
