ವಾಟ್ಸಪ್ ಅಪರಿಚಿತರು ಅಥವಾ ಅಪರಿಚಿತ ಸಂಖ್ಯೆಗಳಿಂದ ಬರುವ ಸಂದೇಶಗಳನ್ನು ನಿರ್ಬಂಧಿಸುವ ವೈಶಿಷ್ಟ್ಯ ಒದಗಿಸಲಿದೆ. ಬ್ಲಾಕ್ ಅನ್ನೋನ್ ಅಕೌಂಟ್ ಮೆಸೇಜೆಸ್ ಎಂಬ ವೈಶಿಷ್ಟ್ಯವನ್ನು ಆಂಡ್ರಾಯ್ಡ್ ಬೀಟಾ ಆವೃತ್ತಿ 2.24.17.24 ರಲ್ಲಿ ಪರೀಕ್ಷಿಸಲಾಗುತ್ತಿದ್ದು ಇನ್ನು ಬಿಡುಗಡೆಗೆ ಕೆಲವು ತಿಂಗಳು ಕಾಯಬೇಕಾಗಬಹುದು.
WhatsApp ಮೂಲಕ ಸ್ಕ್ಯಾಮ್ ಮಾಡುವರಿಗೆ, ಕಿರುಕುಳ ನೀಡುವವರಿಗೆ ನಿಮ್ಮ ಫೋನ್ ಸಂಖ್ಯೆ ಸಿಕ್ಕರೆ ನಿಮಗೆ ಸಂದೇಶಗಳು, ಆಪ್ ಲಿಂಕ್ಗಳು, ವೆಬ್ಸೈಟ್ ಲಿಂಕ್ಗಳನ್ನು ಹಂಚಿಕೊಂಡು ನಿಮಗೆ ವಂಚನೆ ಮಾಡಬಹುದು. ಜೊತೆಗೆ, ನಿಮ್ಮ ಮೊಬೈಲ್ಗೆ ವೈರಸ್ ಬಿಡುವ ಮೂಲಕ ನಿಮ್ಮ ವೈಯಕ್ತಿಕ ಡೇಟಾ ಕದಿಯುತ್ತಾರೆ. ಜೊತೆಗೆ, ನಿಮಗೆ ಸಂದೇಶದ ಮೂಲಕ ಸಂಪರ್ಕ ಮಾಡುತ್ತಾರೆ.
ಹೊಸ ಬ್ಲಾಕ್ ಆಯ್ಕೆಯು ಗೌಪ್ಯತೆ ಕಾಪಾಡುತ್ತದೆ. ಇಲ್ಲಿ ಸುಧಾರಿತ ವಿಭಾಗದಲ್ಲಿರುವ ಟಾಗಲ್ ಬಟನ್ ನಿಮಗೆ ಉಪಕರಣವನ್ನು ಸಕ್ರಿಯಗೊಳಿಸಲು ಅನುಮತಿ ನೀಡುತ್ತದೆ. ಇದು ನಿಸ್ಸಂದೇಹವಾಗಿ ಅಪರಿಚಿತರಿಂದ ನಿಮಗೆ ಹೆಚ್ಚಿನ ಗೌಪ್ಯತೆಯನ್ನು ಒದಗಿಸುತ್ತದೆ. ವಿಶೇಷವಾಗಿ ಮಹಿಳೆಯರಿಗೆ ಈ ವೈಶಿಷ್ಟ್ಯ ಹೆಚ್ಚು ಅನುಕೂಲಕರ ಆಗಲಿದೆ. ಬೀಟಾ ಆವೃತ್ತಿಯು ಆಸಕ್ತಿದಾಯಕ ವಿವರವನ್ನು ಸಹ ಬಹಿರಂಗಪಡಿಸುವುದಿಲ್ಲ.
ವಾಟ್ಸಾಪ್ ಬಳಕೆದಾರರಿಗೆ ಸುರಕ್ಷಿತ ಸಂದೇಶ ಸ್ವೀಕರಿಸಲು ನೆರವಾಗುತ್ತದೆ. ಅಪರಿಚಿತ ಸಂಖ್ಯೆಗಳಿಂದ ಸಂದೇಶಗಳನ್ನು ಸ್ವೀಕರಿಸಿದರೂ ಅವುಗಳು ಮೊಬೈಲ್ ಮೇಲೆ ನೇರ ಪ್ರವೇಶ ಮಾಡುವುದನ್ನು ನಿರ್ಬಂಧಿಸುತ್ತದೆ. ಜೊತೆಗೆ, ಒಂದು ವೇಳೆ ಅಪರಿಚಿತ ಸಂದೇಶ ತೆರೆಯಲು ಪ್ರಯತ್ನ ಮಾಡಿದರೂ, ಗೌಪ್ಯತೆ ಸಮಸ್ಯೆಗಳ ಬಗ್ಗೆ ಹೆಚ್ಚು ಅರಿವು ಮೂಡಿಸುತ್ತದೆ. WhatsApp ನ ಗೌಪ್ಯತೆ ವೈಶಿಷ್ಟ್ಯವು ಶೀಘ್ರದಲ್ಲೇ ಸಾರ್ವಜನಿಕ ಬೀಟಾ ಆವೃತ್ತಿಯಲ್ಲಿ ಲಭ್ಯವಾಗುತ್ತದೆ.
