ನವದೆಹಲಿ: ನಿರ್ಮಲಾ ಸೀತಾರಾಮನ್ ತಮ್ಮ 7ನೇ ಬಜೆಟ್ ನಲ್ಲಿ ಕೆಲ ನೀತಿಗಳ ಬದಲಾವಣೆ, ಆಮದು ಸುಂಕ, ತೆರಿಗೆ ನೀತಿಯಲ್ಲಿನ ಬದಲಾವಣೆಗಳಿಂದ ಹಲವು ವಸ್ತುಗಳು ಬೆಲೆ ಇಳಿಕೆಯಾದರೆ, ಕೆಲ ವಸ್ತುಗಳ ಬೆಲೆ ಏರಿಕೆಯಾಗಿದೆ ಎಂದು ಮಾಹಿತಿ ನೀಡಿದ್ದಾರೆ.
ಮೊಬೈಲ್, ಚಿನ್ನ, ಬೆಳ್ಳಿ ಸೇರಿದಂತೆ ಪ್ರಮುಖ ವಸ್ತಗಳ ಬೆಲೆ ಇಳಿಕೆಯಾಗಿದ್ದು ಪ್ಲಾಸ್ಟಿಕ್, ಆಮದು ಬಟ್ಟೆ ಸೇರಿದಂತೆ ಕೆಲ ವಸ್ತುಗಳ ಬೆಲೆ ಏರಿಕೆಯಾಗಿದೆ. ಪ್ಲಾಟಿನಂ ಕಸ್ಟಮ್ ತೆರಿಗೆಯನ್ನು ಶೇಕಡಾ 6 ರಷ್ಟು ಇಳಿಕೆ ಹಾಗೂ ಮೊಬೈಲ್ ಫೋನ್ ಹಾಗೂ ಚಾರ್ಜರ್ ಮೇಲಿನ ಕಸ್ಟಮ್ ತೆರಿಗೆಯನ್ನು ಶೇಕಡಾ 15ರಷ್ಟು ಇಳಿಕೆ ಮಾಡಲಾಗಿದೆ. ಲಿಥಿಯಂ ಇಯಾನ್ ಬ್ಯಾಟರಿ ಮೇಲಿನ ತೆರಿಗೆ ಕಡಿತಗೊಳಿಸಲಾಗಿದ್ದು ಇದರಿಂದ ಮೊಬೈಲ್ ಮಾತ್ರವಲ್ಲ, ಎಲೆಕ್ಟ್ರಿಕ್ ವಾಹನಗಳ ಬೆಲೆಯೂ ಇಳಿಕೆಯಾಗಲಿದೆ. ಇನ್ನು ಕ್ಯಾಮೆರಾ ಲೆನ್ಸ್ ಮೇಲಿನ ತೆರಿಗೆ, ಸಮುದ್ರ ಆಹಾರಗಳಾದ ಮೀನು ಸೇರಿದಂತೆ ಇತರೆ ಬೆಲಯಲ್ಲಿ ಇಳಿಕೆಯಾಗಲಿದೆ.
ಪ್ಲಾಸ್ಟಿಕ್ – ಫ್ಲೆಕ್ ತೆರಿಗೆ, ಆಮದು ಬಟ್ಟೆಗಳ ಬೆಲೆ ಏರಿಕೆಯಾದರೆ; ಕ್ಯಾನ್ಸರ್ ಔಷಧಿ, ಮೊಬೈಲ್, ಬೆಳ್ಳಿ-ಬಂಗಾರ, ಪ್ಲಾಟಿನಂ, ಮೀನು ಸೇರಿದಂತೆ ಸಮುದ್ರ ಆಹಾರ, ಸೋಲಾರ್ ಶಕ್ತಿ ಬಿಡಿ ಭಾಗ, ಚಪ್ಪಲಿ ಸೇರಿದಂತೆ, ಕ್ಯಾಮೆರಾ ಲೆನ್ಸ್, ಎಲೆಕ್ಟ್ರಿಕ್ ವಾಹನ, ಕಂಪ್ರೆಸ್ಡ್ ಗ್ಯಾಸ್ ನ ಬೆಲೆ ಇಳಿಕೆಯಾಗಲಿದೆ.
