ರೈಲ್ವೆ ಟಿಕೆಟ್ ರದ್ದತಿ ನಿಯಮಗಳಲ್ಲಿ ಏಪ್ರಿಲ್ 1ರಿಂದ ಮಹತ್ವದ ಬದಲಾವಣೆ ಜಾರಿಯಾಗಿದೆ. ಈಗ ಕನ್ಫರ್ಮ್ ಮತ್ತು RAC ಟಿಕೆಟ್ ಹೊಂದಿರುವ ಪ್ರಯಾಣಿಕರು ರೈಲು ಹೊರಡುವ 30 ನಿಮಿಷಗಳ ಮೊದಲು ಒಂದೇ ಬಾರಿ ತಮ್ಮ ಬೋರ್ಡಿಂಗ್ ಪಾಯಿಂಟ್ ಬದಲಾಯಿಸಲು ಅವಕಾಶ ಪಡೆಯುತ್ತಿದ್ದಾರೆ.
ಟಿಕೆಟ್ ರದ್ದತಿ ನಿಯಮಗಳ ಪ್ರಕಾರ, ಪ್ರಯಾಣಕ್ಕೆ 8 ಗಂಟೆಗಳೊಳಗೆ ರದ್ದುಗೊಳಿಸಿದರೆ ಯಾವುದೇ ಮರುಪಾವತಿ ಸಿಗುವುದಿಲ್ಲ. 24ರಿಂದ 8 ಗಂಟೆಗಳ ನಡುವೆ ರದ್ದುಗೊಳಿಸಿದರೆ 50% ಕಡಿತ, 72ರಿಂದ 24 ಗಂಟೆಗಳ ನಡುವೆ 25% ಕಡಿತ ವಿಧಿಸಲಾಗುತ್ತದೆ. 72 ಗಂಟೆಗಳಿಗಿಂತ ಮುಂಚಿತವಾಗಿ ರದ್ದುಗೊಳಿಸಿದರೆ ಪೂರ್ಣ ಮರುಪಾವತಿ ಲಭ್ಯವಾಗುತ್ತದೆ. ಜೊತೆಗೆ, ಈಗ ದೇಶದ ಯಾವುದೇ ರೈಲು ನಿಲ್ದಾಣದಿಂದ ಕೌಂಟರ್ ಟಿಕೆಟ್ಗಳನ್ನು ರದ್ದುಗೊಳಿಸಲು ಅವಕಾಶ ನೀಡಲಾಗಿದೆ.
ಇನ್ನೊಂದೆಡೆ, ದೀರ್ಘ ದೂರದ ರಾತ್ರಿ ಪ್ರಯಾಣಕ್ಕೆ ರೈಲ್ವೆ ವಂದೇ ಭಾರತ್ ಸ್ಲೀಪರ್ ರೈಲುಗಳನ್ನು ಪರಿಚಯಿಸಿದ್ದು, ಹೌರಾ-ಕಾಮಾಖ್ಯ ಮಾರ್ಗದಲ್ಲಿ ಸೇವೆ ಆರಂಭವಾಗಿದೆ. ಮುಂದಿನ ದಿನಗಳಲ್ಲಿ ಇನ್ನಷ್ಟು ರೈಲುಗಳನ್ನು ಪರಿಚಯಿಸುವ ಯೋಜನೆ ಇದೆ. 16 ಕೋಚ್ಗಳನ್ನು ಹೊಂದಿರುವ ಈ ರೈಲುಗಳು 1,000 ರಿಂದ 1,500 ಕಿ.ಮೀ ದೂರವನ್ನು ಸಂಚರಿಸಲಿವೆ.
