ಬೆಂಗಳೂರು: ಮೇ 4ರಂದು ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ ವತಿಯಿಂದ ಕರ್ನಾಟಕದಾದ್ಯಂತ 381 ಪರೀಕ್ಷಾ ಕೇಂದ್ರಗಳಲ್ಲಿ NEET (UG) 2025 ಪರೀಕ್ಷೆ ನಡೆಯಲಿದೆ.
ಸುಮಾರು 1,49,000 ವಿದ್ಯಾರ್ಥಿಗಳು ಮಧ್ಯಾಹ್ನ 2 ಗಂಟೆಯಿಂದ ಸಂಜೆ 5:00 ವರೆಗೆ ಪರೀಕ್ಷೆ ಬರೆಯಲಿದ್ದು ವಿದ್ಯಾರ್ಥಿಗಳು ಮಧ್ಯಾಹ್ನ 1:30ರ ಒಳಗೆ ಪರೀಕ್ಷಾ ಕೇಂದ್ರಕ್ಕೆ ಹಾಜರಾಗಬೇಕಾಗುತ್ತದೆ.
ವಿದ್ಯಾರ್ಥಿಗಳು ತಮ್ಮ ಪ್ರವೇಶ ಪತ್ರದ ಜೊತೆಗೆ ಮಾನ್ಯವಾದ ಗುರುತಿನ ಚೀಟಿ ಹಾಗೂ 2 ಪಾಸ್ಪೋರ್ಟ್ ಸೈಜ್ ಫೋಟೋ ಮತ್ತು ಒಂದು ಪೋಸ್ಟ್ ಕಾರ್ಡ್ ಅಳತೆಯ ಫೋಟೋ ಕಡ್ಡಾಯವಾಗಿದೆ.
ನಿಯಮಗಳು:
- ಬಯೋಮೆಟ್ರಿಕ್ ಹಾಜರಾತಿ ಕಡ್ಡಾಯ
- ಎಲೆಕ್ಟ್ರಾನಿಕ್ ಸಾಧನ, ಪೂರ್ಣ ತೋಳಿನ ಉಡುಪು, ದೊಡ್ಡ ಬಟ್ಟನ್, ಶೂ, ಸಾಕ್ಸ್, ಬೆಳ್ಳಿ ಬಂಗಾರದ ಆಭರಣಗಳು ನಿಶಿದ್ಧ
- Jammer ಅಳವಡಿಕೆ, frisking ವ್ಯವಸ್ಥೆ ಪ್ರಾರಂಭ
ಸುರಕ್ಷತಾ ಕ್ರಮಗಳು:
- ಪ್ರತಿ ಪರೀಕ್ಷಾ ಕೇಂದ್ರದಲ್ಲಿ ಪೊಲೀಸ್ ಸಿಬ್ಬಂದಿ, ಆರೋಗ್ಯ ಸಿಬ್ಬಂದಿ, ತುರ್ತು ವೈದ್ಯಕೀಯ ಸೇವೆ ನಿಯೋಜನೆ
- ನಿರ್ಬಂಧ ರಹಿತ ವಿದ್ಯುತ್ ಸರಬರಾಜು ವ್ಯವಸ್ಥೆ
- ದಿವ್ಯಾಂಗ ಅಭ್ಯರ್ಥಿಗಳಿಗೆ ವೀಲ್ ಚೇರ್ , ಸಹಾಯಕ ಸಿಬ್ಬಂದಿ ವ್ಯವಸ್ಥೆ
- ಪರೀಕ್ಷಾ ಕೇಂದ್ರದ ಸುತ್ತ ನಿಷೇಧಾಜ್ಞೆ ಜಾರಿ
