ಚಿಕ್ಕಮಗಳೂರು: ಮೂಡುಗೆರೆ ತಾಲೂಕಿನ ಚಾರ್ಮಾಡಿ ಘಾಟಿಯಲ್ಲಿ ಭಾರಿ ಮಳೆಯ ಹಿನ್ನೆಲೆ ,ಭೂಮಿ ಐದಾರು ಕಡೆ ಬಿರುಕು ಬಿಟ್ಟಿವೆ. ಈ ದಾರಿಯಲ್ಲಿ ವಾಹನ ಸಂಚಾರ ದಟ್ಟವಾಗಿದ್ದು ಇದೀಗ ಜನರ ಆತಂಕಕ್ಕೆ ಕಾರಣವಾಗಿದೆ.
15 ದಿನಗಳಿಂದ ಚಾರ್ಮಾಡಿ ಘಾಟಿಯಲ್ಲಿ ಭಾರಿ ಮಳೆ ಆಗುತ್ತಿದ್ದು ,ತಡೆಗೋಡೆಯು ಬಿರುಕು ಕಂಡಿದೆ.2019 ಸುರಿದ ಮಳೆಗೆ ಘಾಟಿ ರಸ್ತೆ ಸುಮಾರು 200 ರಿಂದ 300 ಅಡಿ ಆಳಕ್ಕೆ ಕುಸಿದಿತ್ತು. ಆ ಸಂದರ್ಭದಲ್ಲಿ ಕಾಂಕ್ರೀಟ್ ವಾಲ್ ನಿರ್ಮಿಸಿ ರಸ್ತೆಯನ್ನು ಸರಿಪಡಿಸಲಾಗಿದ್ದು, ಇದೀಗ ಆ ಕಾಂಕ್ರೀಟ್ ವಾಲ್ ಕೂಡ ಬಿರುಕು ಕಂಡಿದೆ. ಆದ್ದರಿಂದ ಜನ ಕಳಪೆ ಕಾಮಗಾರಿಯ ಆರೋಪದೊಂದಿಗೆ, ಭಾರಿ ಗಾತ್ರದ ವಾಹನಗಳಿಗೆ ಈ ಮಾರ್ಗವಾಗಿ ಸಂಚಾರವನ್ನು ನಿಷೇಧಿಸಬೇಕೆಂದು ಸರಕಾರಕ್ಕೆ ಆಗ್ರಹಿಸಿದ್ದಾರೆ
