ಉಂದು ನಿಕ್ಲ್ ಕಲ್ಪಾಯಿ ಬರವು
ಬಡ್ಡ್ ತರೆಕ್ ಒಡ್ಡಂದಿ ಬರವು
ನಡು ಬೆರಿಕ್ ನಾಲ್ ಬೂರ್ನಗ
ಗಡು ಕಡತ್ದ್ ಗೇನೊದ ಕುಡೆ ಸೇರ್ನ
ಉಂದು ನಿಕ್ಲ್ ಕಲ್ಪಾಯಿ ಬರವು..
ಉಂದು ನಿಕ್ಲ್ ಕಲ್ಪಾಯಿ ಬರವು
ಗದ್ದಾದ್ ಗುದ್ದುದು ಉರ್ದುದ್
ಮೆಲ್ತ್ ಮೆಲ್ತ್ದ್ ಗೇನೊಗು ಪತ್ತಾಯಿನ
ತೆಲ್ತ್ ತೆಲಿಪಾದ್ ಮೋಕೆಡ್ ದಿಂಜಾಯಿನ
ಉಂದು ನಿಕ್ಲ್ ಕಲ್ಪಾಯಿ ಬರವು..
ಉಂದು ನಿಕ್ಲ್ ಕಲ್ಪಾಯಿ ಬರವು
ದುಂಬುದೀಪಿ ಪಜ್ಜೆಡ್ ಗೆಜ್ಜೆ ಸೊರ ಕೇನುಲೆಕ
ಲೋಕದ ಜಾಲ್ಡ್ ಮಲ್ಲ ಗದ್ದಿಗೆನೇರುಲೆಕ
ಮಾತೆರೆ ಕೈನಿರೆಲ್ದ ತಾಟಿ ತಮ್ಮನ ಪೊದೆಪುಲೆಕ
ಉಂದು ನಿಕ್ಲ್ ಕಲ್ಪಾಯಿ ಬರವು..
ಉಂದು ನಿಕ್ಲ್ ಕಲ್ಪಾಯಿ ಬರವು
ಎನ್ನ ಕಬಿತೆಡ್ ಮುಡೆದ್ ಮುಗಿಯಂದಿಲೆಕ
ಪೊಸ ಕಬಿತೆಯಾದ್ ಮೂಡೊಂದು ಬರ್ಪಿಲೆಕ
ಬದ್ಕ್ ಬಲಕೆಗ್ ತೆಲಿಕೆ ನಲಿಕೆಗ್
ಪೊರ್ಲೊಪ್ಪಾಯಿ ಬಂಗಾರ್ದ ಬುಲೆನೆ
ಉಂದು ನಿಕ್ಲ್ ಕಲ್ಪಾಯಿ ಬರವು..
ಬರವು ಕಲ್ಪಾಯಿ ಗುರುಕುಲೆಗ್ ಈ ಅಚ್ಚರೊದ ಕಾನಿಗೆ..
ಚೇತನ್. ವರ್ಕಾಡಿ
