ಬೆಂಗಳೂರು: ಶನಿವಾರ ಆಹಾರ ಸುರಕ್ಷತೆ ಮತ್ತು ಔಷಧ ಆಡಳಿತ ಇಲಾಖೆಯು ಒಟ್ಟು 8 ಔಷಧಿಗಳನ್ನು ಉತ್ತಮ ಗುಣಮಟ್ಟದಲ್ಲವೆಂದು ವರದಿ ಮಾಡಿ ಅದನ್ನು ಉಪಯೋಗಿಸಬಾರದು ಎಂದು ಎಚ್ಚರಿಕೆ ನೀಡಿದೆ.
ಉಪಯೋಗಿಸ ಬಾರದ ಔಷಧಿಗಳು:
- ಹೆಲ್ತಿ ಲೈಫ್ ಫಾರ್ಮಾ ಪ್ರೈ, ಲಿಮಿಟೆಡ್ ನ ಕ್ಯಾಲ್ಸಿಯಂ ಅಂಡ್ ವಿಟಮಿನ್ ಡಿ3 ಟ್ಯಾಬ್ಲೆಟ್ಸ್ ಐಪಿ,
- ಭವ್ಯ ಇಂಡಸ್ಟ್ರೀಸ್ ನ ಆಕ್ಟಿವ್ ಅಲೋವೆರಾ ಮತ್ತು ನೀಮ್ ಸೋಪ್
- ರಾಜ್ ದೀಪ್ ಫಾರ್ಮರ್ಸ್ಯೂಟಿಕಲ್ಸ್ ಲೈಫೋಜೆಸಿಕ್
- ಮೈಕ್ರೋಫಾರ್ ಮುಲೇಷನ್ಸ್ ನ ಅಮೋಕ್ಸಿಲಿನ್ ಮತ್ತು ಪೊಟ್ಯಾಶಿಯಂ ಕ್ಲಾವುಲನೇಟ್ ಟ್ಯಾಬ್ಲೆಟ್ ಐಪಿ
- ಫಾರ್ಮ ಕೇರ್ ನ ಮೆಗ್ನೀಷಿಯಂ ಸಲ್ಫೇಟ್ ಪಾಸ್ಪೇಟ್ ಬಿಪಿ
- ಡ್ಯಾಫೋಹಿಲ್ಸ್ ಲ್ಯಾಬೋರೇಟರಿಸ್ ಪ್ರೈ ಲಿಮಿಟೆಡ್ ನ ಅಡಾಲ್ಪ್ಮಾಮ್ ಎಂ ಆರ್
- ಮೆಡಿಸಿಸ್ ಬಯೋಟೆಕ್ ಪ್ರೈ ಲಿಮಿಟೆಡ್ನ ಫೆರೋಸ್ ಅಸ್ಟ್ರೊಬೇಟ್
- ಫಾಲಿಕ್ ಆಸಿಡ್ ಮತ್ತು ಜಿಂಕ್ ಸಲ್ಫೇಟ್ ಟ್ಯಾಬ್ಲೆಟ್
ಈ ಮೇಲಿನ ಔಷಧಿಗಳು ಮತ್ತು ಕ್ರಾಂತಿವರ್ಧಕಗಳನ್ನು ಔಷಧ ವ್ಯಾಪಾರಿಗಳು, ಸಗಟು ಔಷದ ಮಾರಾಟಗಾರರು, ವೈದ್ಯರು, ಆಸ್ಪತ್ರೆ ಮತ್ತು ನರ್ಸಿಂಗ್ ಹೋಮ್ ನವರು ದಾಸ್ತಾನು ಮಾಡುವುದಾಗಲಿ, ಮಾರಾಟ ಮಾಡುವುದಾಗಲಿ ಅಥವಾ ಉಪಯೋಗಿಸುವುದಾಗಲಿ ಮಾಡದಂತೆ ಎಚ್ಚರಿಕೆ ನೀಡಲಾಗಿದೆ.
ಒಂದು ವೇಳೆ ಈ ಔಷಧಿಗಳ ದಾಸ್ತಾನು ಹೊಂದಿದ್ದರೆ ಕೂಡಲೇ ಸಂಬಂಧಪಟ್ಟ ಕ್ಷೇತ್ರದ ಔಷಧ ಪರಿವೀಕ್ಷಕರು ಅಥವಾ ಸಹಾಯಕ ಔಷಧ ನಿಯಂತ್ರಕರ ಗಮನಕ್ಕೆ ತರಬೇಕು ಎಂದು ಇಲಾಖೆಯು ಸೂಚನೆ ನೀಡಿದೆ.
