ಇತ್ತೀಚೆಗೆ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಬಸ್ರಿಬೈಲೂರಿನಲ್ಲಿ ನಡೆದ ಅದ್ದೂರಿ ‘ಉದಯೋತ್ಸವ’ ಕಾರ್ಯಕ್ರಮವು ಸಮಾಜಕ್ಕೆ ಪ್ರಾಮಾಣಿಕತೆಯ ದೊಡ್ಡ ಸಂದೇಶವೊಂದನ್ನು ನೀಡಿದೆ.
ದಿನಾಂಕ 03-04-2026 ರಂದು ನಡೆದ ಈ ಕಾರ್ಯಕ್ರಮದ ಸಂದರ್ಭದಲ್ಲಿ ಜೋಡುರಸ್ತೆಯ ನಿವಾಸಿ ಸದಾನಂದ ನಾಯಕ್ ಅವರಿಗೆ ಸೇರಿದ ಬೆಲೆಬಾಳುವ ಚಿನ್ನದ ಬ್ರೇಸ್ಲೆಟ್ ಕಳೆದುಹೋಗಿತ್ತು. ಈ ಆಭರಣವು ಶಾಲಾ ಮಕ್ಕಳಾದ ನಾಗೇಂದ್ರ ಮತ್ತು ಅಶ್ವಂತ್ ಅವರಿಗೆ ಸಿಕ್ಕಿದ್ದು, ಅವರು ತಕ್ಷಣವೇ ಇದನ್ನು ಶಾಲಾ ಪೋಷಕರಾದ ಜಾಕೀರ್ ಹುಸೇನ್ ಅವರ ಗಮನಕ್ಕೆ ತಂದರು. ಜಾಕೀರ್ ಹುಸೇನ್ ಅವರು ಕಿಂಚಿತ್ತೂ ತಡಮಾಡದೆ ಬ್ರೇಸ್ಲೆಟ್ ಅನ್ನು ಉದಯೋತ್ಸವ ಸಮಿತಿಗೆ ಹಸ್ತಾಂತರಿಸಿದರು.
ಸಮಿತಿಯವರು ಈ ವಿಚಾರವನ್ನು ವಾಟ್ಸಾಪ್ ಗುಂಪುಗಳಲ್ಲಿ ಹಂಚಿಕೊಂಡು ವಾರಸುದಾರರನ್ನು ಹುಡುಕುವಲ್ಲಿ ಯಶಸ್ವಿಯಾದರು. ಅದರಂತೆ ದಿನಾಂಕ 07-04-2026 ರಂದು ಶಾಲಾ ಆವರಣದಲ್ಲಿ ನಡೆದ ಕಾರ್ಯಕ್ರಮದಲ್ಲಿ, ಶಿಕ್ಷಕರ ಹಾಗೂ ಮಕ್ಕಳ ಸಮ್ಮುಖದಲ್ಲಿ ಉದಯೋತ್ಸವ ಸಮಿತಿಯವರು ಆಭರಣವನ್ನು ಅದರ ನಿಜವಾದ ವಾರಸುದಾರರಾದ ಸದಾನಂದ ನಾಯಕ್ ಅವರಿಗೆ ಹಸ್ತಾಂತರಿಸಿದರು.
ಮಕ್ಕಳ ಈ ಅದ್ಭುತ ಪ್ರಾಮಾಣಿಕತೆ ಮತ್ತು ಪೋಷಕರಾದ ಜಾಕೀರ್ ಹುಸೇನ್ ಹಾಗೂ ಸಮಿತಿಯವರ ಜವಾಬ್ದಾರಿಯುತ ನಡೆಯನ್ನು ಶಾಲಾ ಆಡಳಿತ ಮಂಡಳಿ ಮತ್ತು ಸಾರ್ವಜನಿಕರು ಮುಕ್ತಕಂಠದಿಂದ ಶ್ಲಾಘಿಸಿದ್ದಾರೆ. “ನಮಗೆ ಸೇರದ ವಸ್ತುವಿನ ಮೇಲೆ ಆಸೆ ಪಡದೆ ಹಿಂದಿರುಗಿಸಿದ ಈ ಗುಣ ಎಲ್ಲರಿಗೂ ಮಾದರಿಯಾಗಿದೆ” ಎಂದು ಈ ಸಂದರ್ಭದಲ್ಲಿ ಹಿರಿಯರು ಅಭಿಪ್ರಾಯಪಟ್ಟರು.
- ಉದಯೋತ್ಸವ ಸಮಿತಿ, ಬಸ್ರಿಬೈಲೂರು
